Adv Kuttan Gopurathinkal
October 26, 2017 at 9:36 AM ·
ഭാഷാപീഡനം
-----------------------
മനസ്സില്‍ത്തോന്നുന്ന ഒരാശയത്തെ, മറ്റൊരാളെ അറിയിക്കാനാണല്ലോ, ഭാഷ. മനുഷ്യന്‍ പുരോഗമിച്ചതോടെ ഭാഷയില്‍ മാറ്റം വന്നു. ധ്വനി, അലങ്കാരം എന്നിവ മനുഷ്യന്‍ ഉപയോഗിക്കാന്‍ തുടങ്ങി. ഒരു കാര്യം നേരിട്ടുപറയാതെ പറയുന്നത് ധ്വനി. ഒരേകാര്യം തന്നെ പൊലിപ്പിച്ചുപറയുന്നത് അലങ്കാരം. താളനിബദ്ധമായി അത് പറഞ്ഞാല്‍ , ഛന്ദോബദ്ധ
മായാല്‍, കവിതയ്ക്ക് ചാരുതയേറും..
ഇനി കാര്യത്തിലേയ്ക്കുകടക്കാം. പദസമ്പത്ത് കയ്യിലുള്ളവര്‍ ഓരോ സന്ദര്‍ഭത്തിനും അനുയോജ്യമായ പദങ്ങള്‍ ഉപയോഗിക്കും. അതില്ലാത്തവര്‍ “ഭയങ്കര” മായ പദങ്ങള്‍ ഉപയോഗിക്കും..
ഭയം കരോ ഇതി ഭയങ്കരം.. ഭയമുണ്ടാക്കുന്നത് എന്തോ അത് ഭയംകരം
ഭയങ്കര ഇഷ്ടം, ഭയങ്കര പാട്ട്, ഭയങ്കര അഭിനയം, ഭയങ്കര നോട്ടം, ഭയങ്കര ടേസ്റ്റ്..
അങ്ങ് തെക്കോട്ടൊക്കെ ഇത് ഫയങ്കരം ആണ്. അതായത് ഫരതന്റെ ഫ..
ഇനി മറ്റൊന്നുണ്ട്.
ചെത്ത്, ലാ, ചങ്ക്, ബ്രോ, മാസ്സ്, സ്കെച്ച്, സീൻ ..
മഹാ കഷ്ടം ..!
ഇനി, ഒരാള്‍ ഉദ്ദേശിച്ചകാര്യം മറ്റേ ആൾ അറിഞ്ഞാപ്പോരേ? ഭാഷേടെ ഭംഗി നോക്കുന്നതെന്തിനാ... ന്ന് ചോദിച്ചാൽ.. സുഹൃത്തേ! എനിക്ക് മറുപടിയില്ല..
പുലരിയുടെ നെറ്റിയിൽ ഒരു നീഹാരബിന്ദു എന്നുകേൾ‍ക്കുമ്പോളുള്ള ആ രസം, ഈ മാസ്സ് കേട്ടാ വരില്ല, എന്റെ ചങ്ക് ബ്രോ...
ഇവയൊക്കെ വളരെ നൈമിഷികമാണുതാനും.. ആറുമാസത്തില്‍ക്കൂടുതല്‍ ഇവയ്ക്ക് ആയുസ്സില്ല.
ഇതുപോലെത്തന്നെ ഗാനങ്ങളും..
മുക്കാല, ലജ്ജാവതിയേ, കപ്പലുണ്ടാക്കീ, ഇപ്പോ അറപ്പുതോന്നിക്കുന്ന ജിമിക്കിക്കമ്മലും..
സംഗീതമോ സാഹിത്യമോ ഏഴുജന്മമായി അടുത്തുകൂടി പോകാത്തവരാണ് ഇവയെ കൊണ്ടുനടക്കുന്നതും, താലോലിക്കുന്നതും
ഇന്റര്‍നെറ്റിൽ “വൈറൽ” ആയെന്ന്പറഞ്ഞ് ഭയങ്കരമായി ഇഷ്ടപ്പെടുന്നതും..
No comments:
Post a Comment