ആറുവയസ്സിള്ള പെൺകൂട്ടി.
==========================
കൂടിയിരുന്നവരുടെയിടയിൽക്കൂടി, ഒരാൺകുട്ടിയേക്കാൾ കുസൃതികാണിച്ചു നടന്നിരുന്ന അവളെ എല്ലാവരും ശ്രദ്ധിച്ചു. അങ്ങനെ വിട്ടാൽ പറ്റില്ലല്ലോ. ഇവൾക്കൊരു ഡോസു കൊടുക്കണം. അവളെ അരികിൽ വിളിച്ചു.. ചേർത്തുനിറുത്തി. അവൾ അനുസരണയോടെ ചേർന്നുനിന്നു
“മോളു ഈ മുത്തശ്ശനെ അറിയോ?”
“ഓ അറിയാം. കുട്ടേട്ടനല്ലേ?”
“അത് മറ്റുള്ളോർക്ക്. . നിനക്ക് ഞാൻ മുത്തശ്ശൻ. ആട്ടേ മുത്തശ്ശനൊരു കാര്യം പറഞ്ഞാ ആരോടെങ്കിലും പറയോ?”
“”ഏയ് ഇല്ലാ. ആരോടും പറയില്ല..
“ഉറപ്പ്?”
“ഉറപ്പ്.”
ചെവിയിൽ സ്വകാര്യമായി പറഞ്ഞു.
“മുത്തശ്ശനു മോളെ നല്ല ഇഷ്ടാ..”
“എത്ര ഇഷ്ടം..?”
“ഒരാനത്തലയോളം ഇഷ്ടം..”
കുട്ടി ഒന്ന് പകച്ചു. ഒരാനത്തല എത്രത്തോളം ഉണ്ടെന്ന് മനസ്സിൽ ആലോചിക്കയാവാം..
“കുട്ടിക്ക് മുത്തശ്ശനെ ഇഷ്ടാ?”
“ഇഷ്ടാ..”
“എത്രത്തോളം..”
അതിലവൾ കുടുങ്ങി. ആനത്തലയേക്കാൾ വലുതേതെന്ന് ആ കുഞ്ഞുമനസ്സ് ആലോചിക്കാൻ‌തുടങ്ങി.. ഒരു മിനിറ്റ്...
ഉടനേ ഉത്തരം വന്നു..
“ഗാന്ധിജിയോളം..!”
.
ഇത്തവണ കിടുങ്ങിയത് ഞാനാ..
അവൾ പിടിവിടുവിച്ച് പാറിപ്പോയി..
.
No comments:
Post a Comment