Sunday, April 1, 2007
മോഹപുഷ്പങ്ങള്‍
അരുതാത്ത ഒന്നാണിതെന്നെനിക്കെപ്പൊഴു-
മറിയാം, എന്നാലുമെന്‍ മുത്തേ
നിറയുന്നൂ,നിന്നെക്കുറിച്ചുള്ളൊരോര്‍മകള്‍
തിരകള്‍പോല്‍ വന്നെന്റെയുള്ളില്‍..
ഒരുനാളുംവിടരില്ല,നറുമണംചൊരിയില്ലീ-
തരുവിന്റെ മോഹപുഷ്പങ്ങള്‍
ഒരുഗദ്ഗദത്തിലൊടുങ്ങീടുമീചെറു-
കുരുവിതന്‍ പ്രേമഗാനങ്ങള്‍..
കരളിന്‍ ചിരാതില്‍ കരിന്തിരിയായ്‌ മുനി-
ഞൊരുതിരി,സ്നേഹക്കുറവാല്‍
ഒരുപാഴ്ക്കിനാവായി ഇനിയെന്റെസ്വപ്നങ്ങള്‍
വിരിയില്ലൊരിയ്കലും മനസ്സില്‍!
Subscribe to:
Post Comments (Atom)
നല്ല വരികള് :)
ReplyDeleteenthado thanikkentu patti?
ReplyDelete