Tuesday, August 7, 2007
തെറ്റാത്ത അക്ഷരങ്ങള്‍
സിന്ദൂരവര്‍ണ്ണാംഗിതേ യെന്‍മനസ്സിലെ
ചെന്താമരയില്‍ നീ നൃത്തമാടൂ
ചന്ദനഗന്ധമുയരുന്ന മേനിയില്‍
മന്ദാര പുഷ്പാര്‍ച്ചന നടത്താം
അമ്പത്തിയൊന്നക്ഷരങ്ങളും നാവിന്റെ
തുമ്പത്ത്‌ വന്ന് വിളയാടുവാന്‍
കുമ്പിടുന്നേന്‍ തല യായിരംവട്ടമെ-
ന്നമ്പികേ, നീ വരമേകിടേണം
ഒട്ടേറെയുണ്ട്‌ ചിതറി, പായല്‍, വള്ളി
ചുറ്റിക്കിടക്കുന്ന പാഴ്‌ വാക്കുകള്‍
മറ്റുവരമൊന്നും വേണ്ടമ്മേ, നീതരൂ
തെറ്റാതെഴുതുവാന്‍ അക്ഷരങ്ങള്‍
Subscribe to:
Post Comments (Atom)
super, manoharam.
ReplyDeleteorkkuka vallappozhum
http://shanalpyblogspotcom.blogspot.com/
പ്രിയപ്പെട്ട ഷാന്‍,
ReplyDeleteകഴിഞ്ഞ ജനുവരിയില്‍ കൊല്ലൂര്‍
പോയിരുന്നു. അമ്മയോട്‌ ഞാന്‍
അക്ഷരം തരണേയെന്നേ പ്രാര്‍-
ത്ഥിച്ചുള്ളു. സത്യം. ബ്ലോഗില്‍
ഞാന്‍ നുണയെഴുതാറില്ല.
ഇവിടെ വന്നതിനും, വായിച്ചതിനും, കമന്റ്‌ ഇട്ടതിനും ഒരുപാടൊരുപാട്‌
നന്ദി..