മണ്‍കൂനയൊന്നിലിരിപ്പൂയിരുളില്‍ ഞാന്‍
കണ്‍പാര്‍ത്ത്‌, മുന്നിലെപ്പാതയിലൂടെ നീ
വെണ്‍തേര്‍തെളിച്ച്‌വന്നെത്തുന്നതും എന്റെ
കണ്ണീര്‍തുടപ്പതും, മാറോട്ചേര്‍പ്പതും.
എന്‍കൈപിടിച്ച്‌ നീ മുന്‍പേനടന്നാലു-
മെന്‍ജീവനായകാ, കൊണ്ടുപോയീടുമോ
എന്‍ദിവാസ്വപ്നഹംസങ്ങളലയുന്ന
വെണ്‍മേഘപാളികള്‍ക്കപ്പുറത്തേയ്ക്ക്‌ നീ..
പിന്നെ നമുക്ക്‌ നടക്കാം നിലാവിന്റെ
ചന്ദനസ്പര്‍ശവും,ഈണങ്ങള്‍മൂളുന്ന
തെന്നലിന്‍നേര്‍ത്ത സുഗന്ധവുമുള്ളൊരു
പൊന്നിന്‍നിറമാര്‍ന്ന ലോകത്തിലേയ്ക്ക്‌ നാം..
Subscribe to:
Post Comments (Atom)
ഈണമിട്ട് പാടേണ്ട വരികള്‍.
ReplyDelete-സുല്‍