Sunday, March 2, 2008
നിന്നെയോര്‍മ്മിച്ചീടുന്നു..
കല്ലുപോലുറച്ചോരീ മെത്തമേല്‍ ശോകം തല-
തല്ലും മനസ്സുമായ്‌ ഞാന്‍ ഉറങ്ങാന്‍ കിടക്കവേ
ചില്ലുവാതിലിലൂടെ വന്ന്,കാറ്റെന്‍ നെറ്റിയില്‍
മെല്ലെത്തലോടുമ്പോള്‍ ഞാന്‍ നിന്നെയോര്‍മ്മിച്ചീടുന്നു
അന്തിച്ചുവപ്പ്‌പടര്‍ ന്നീറന്‍കവിളുമായി
സന്ധ്യാമ്പരത്തില്‍ ശ്യാമ മേഘങ്ങള്‍ നിരക്കവേ
എന്തിനെന്നറിയാതെന്‍ മനസ്സ്‌ തേങ്ങീടുമ്പോള്‍
സുന്ദരീ, സുമുഖീ ഞാന്‍ നിന്നെയോര്‍മ്മിച്ചീടുന്നു
മന്ദാരമലര്‍ക്കാടിന്‍ അപ്പുറത്ത്‌നിന്നെത്തും
മന്ദമാരുതന്‍വന്ന്, പുണര്‍ന്ന് മുകര്‍ന്നാര്‍ദ്ര
ചന്ദനസുഗന്ധംപോല്‍ എന്നുള്ളില്‍നിറയുമ്പോള്‍
സിന്ദൂരവര്‍ണാംഗേ ഞാന്‍ നിന്നെയോര്‍മ്മിച്ചീടുന്നു..
Subscribe to:
Post Comments (Atom)
No comments:
Post a Comment