മഞ്ഞ്..

പാതിരാപ്പക്ഷിതന്നീണവും, മഞ്ഞേറ്റ്
പാതിവിടര്‍ന്നരാപ്പൂമണവും,
പാതിതുറന്ന് കിടന്നൊരെന്‍‌ജാലക-
വാതിലിലൂടെ കടന്നു വന്നു.

നീയുറങ്ങിക്കാണുമിപ്പോള്‍‌, കിനാക്കളി-
ലൂയലാടുന്ന മനസ്സുമായി.
മായികമാമൊരു പുഞ്ചിരി, പൂവിടു-
മായിരിയ്ക്കാം, നിന്‍‌ചൊടിയിണയില്‍‌.

യാമങ്ങളെണ്ണിയുറങ്ങാതിരിപ്പു ഞാന്‍
‌ഓമനേ, നീമാത്രമെന്‍‌കരളില്‍.
ഈ മഞ്ഞുവീഴും നിശീഥിനിതന്നിലെന്‍‌
കാമനകള്‍‌ പൂത്തുലഞ്ഞുവെങ്കില്‍ !