മധുരാനുഭൂതികള്‍ മനതാരില്‍‌പെയ്യുന്ന
ഹൃദയവികാരമാണെന്റെയോണം।
വ്യഥകളില്ലാതെ, മനുഷ്യരൊന്നായ് വാണ
ഗതകാലസ്വപ്നത്തിന്നോര്‍മ്മയോണം।
ദലമര്‍മ്മരങ്ങള്‍ക്ക് കാതോര്‍ക്കുകില്‍ അത്
മലയാളഭാഷയാണെന്നു തോന്നും
പുലരികള്‍, സന്ധ്യകള്‍, പൂക്കള്‍, ശലഭങ്ങള്‍
മലയാളമോതുന്നു, കിളികള്‍പോലും!
ഒരുപാടുനാളൊന്നുമായില്ല,ബാല്യത്തില്‍,
തിരുവോണമെത്തുന്നതിന്നുമുന്‍പേ,
ഒരുനൂറുമോഹങ്ങളതിലേറെപുഷ്പങ്ങള്‍
നിറയെ വര്‍ണ്ണങ്ങളുമായിയെത്തും.
തറവാടുകള്‍പോയി,യണുകുടുമ്പങ്ങള്‍ക്ക്‍
തിരുവോണം കടലാസ്സുപൂക്കളിലായ്.
ഇരയായിമാറുന്നു കമ്പോളസംസ്ക്കാര-
ത്തിരയിതില്‍, ഇനിയില്ല തിരികെയാത്ര.
ഇനിയെനിയ്ക്കാസ്വദിച്ചീടുവാനാവില്ല
തനിനാട്യമായ്മാറി തിരുവോണവും!
ഇനിയൊരുനാളിലും കൈവന്നിടാത്തൊരു
തനിമയെഴും സ്വപ്നം; എന്റെയോണം!!
Subscribe to:
Post Comments (Atom)
ഓണം മാത്രമല്ല ഇന്നെല്ലാം നാട്യങ്ങള്‍ മാത്രമായിത്തീര്‍ന്നിരിയ്ക്കുന്നു.....എങ്കിലും മനസ്സില്‍ ഓണത്തെക്കുറിച്ചിപ്പോഴും മധുരിയ്ക്കുന്ന ഓര്‍മ്മകളില്ലേ.....
ReplyDeleteഎന്തായാലും ആദ്യത്തെ ഓണാശംസകള്‍ എന്റെ വക......ഹാപ്പി ഓണം......
അല്ലാ, ഇതാരാ വന്നേക്കണേ..
ReplyDeleteഓര്‍മ്മകള്‍.. അതുതന്നെയാണല്ലോ സങ്കടവും..