കണ്ണില്‍, കിനാവിന്റെ പൂത്തിരികത്തിച്ച്‌
പെണ്ണെന്റെനെഞ്ചില്‍ അമര്‍ന്ന് നിന്നു.
വിണ്ണിലെചന്ദ്രിക നാണിച്ചു; കണ്‍ചിമ്മി,
എണ്ണിയാല്‍ തീരാത്ത താരകളു..
അന്നാദ്യമായ് രാഗ താള ശ്രുതിയോടെ
കിന്നരന്മാരുടെ പാട്ട് കേട്ടു.
എന്നെമറന്നു, ഞാനെല്ലാം മറന്നൊരു
മിന്നലായ് കത്തിജ്വലിച്ചണഞ്ഞു.
പിന്നെയുമെത്രയോരാവുകളില്‍ നമ്മ-
ളൊന്നായി, സ്വപ്നങ്ങള്‍ പങ്കുവച്ചു.
ഇന്ന്, ഏകാന്തയാമങ്ങളില്‍, ഓര്‍മ്മകള്‍
ചിന്നിച്ചിതറിടുന്നെന്‍‌മനസ്സില്‍
Subscribe to:
Post Comments (Atom)
മധുരിക്കുന്ന ഓര്‍മ്മ !!
ReplyDelete