Tuesday, April 1, 2008
കൂട്ടുകാരി
നീയെനിയ്ക്കാരാണെന്നതിപ്പോഴുമറിയില്ലൊ-
രായിരംവട്ടം ഞാനതെന്നോട്‌ ചോദിച്ചിട്ടും
പോയജന്മത്തിലൊന്നായ്തീര്‍ന്നതിന്‍ ശേഷം വിട്ട്‌-
പോയതിന്‍ തുടര്‍ച്ചയോ; പൂരകങ്ങളോ നമ്മള്‍?
വര്‍ണ്ണരാജികളാലെന്‍ കണ്ണിന്‌ കുളിരേകും
വിണ്ണിലെ വിസ്മയമാം മഴവില്ലെനിയ്ക്ക്‌ നീ
സ്വര്‍ണ്ണനൂല്‍ തന്ത്രികളാല്‍ വീണയില്‍മീട്ടീടുന്ന
കര്‍ണ്ണപീയൂഷഗാനാമൃതമാണെനിയ്ക്ക്‌ നീ
തൂലികത്തുമ്പിലിരുന്നാശയം വിതുമ്പുമ്പോള്‍
പീലിനീര്‍ത്താടാന്‍വരും വാക്കാം മയൂരം നീയേ
പേലവാംഗങ്ങളൊക്കെത്തളരുമ്പോള്‍ സുഗന്ധ
താലവൃന്ദത്താല്‍ നീയെന്‍ കരളിന്‍കുളിരാകും
നിന്നരികേനില്‍ക്കുമ്പോള്‍, നിന്നോട്‌ കൊഞ്ചുമ്പോള്‍ ഞാ-
നെന്നെ മറന്നീടുന്നൂ, ചുറ്റിലും നിന്ന് യക്ഷ-
കിന്നരന്‍മാര്‍ പാടുന്നൂ; ദേവകള്‍ ചൊരിയുന്ന
പൊന്നരിപ്പൂക്കളാലേ മേലാകെ കുളിരുന്നൂ
നീയെനിയ്ക്കാരാണെന്നതറിയാഞ്ഞെന്നോട്‌ ഞാ-
നായിരംവട്ടം ചോദിച്ചുത്തരം ലഭിച്ചീല
പോയജന്മം ഞാന്‍ ചെയ്ത പുണ്യങ്ങളാവാം നിന്നെ
മായികവിസ്മയംപോല്‍ കൂട്ടായി ലഭിച്ചത്‌...
Subscribe to:
Post Comments (Atom)
നിന്നരികേനില്‍ക്കുമ്പോള്‍, നിന്നോട്‌ കൊഞ്ചുമ്പോള്‍ ഞാ-
ReplyDeleteനെന്നെ മറന്നീടുന്നൂ, ചുറ്റിലും നിന്ന് യക്ഷ-
കിന്നരന്‍മാര്‍ പാടുന്നൂ; ദേവകള്‍ ചൊരിയുന്ന
പൊന്നരിപ്പൂക്കളാലേ മേലാകെ കുളിരുന്നൂ
നല്ല വരിക്കള്‍ പ്രേമ്മം വഴിതെറ്റിയാല്‍ പ്രേതം മരകൊമ്പിലെന്നു പറയാറില്ലെ ഞാനിപ്പൊ പ്രേമ്മം പോട്ടിയ ഒരു പ്രെതാമാണു ആ വിരഹമാണു എന്റെ ലോകം
സാരമില്ല, അനൂപ്. അത് യഥാര്‍ത്ഥ പ്രേമമായിരുന്നിരിയ്ക്കാനിടയില്ല. എല്ല പ്രേമിസ്റ്റ്കളും ഈ ഒരു വഴി എന്നെങ്കിലും കടന്നിട്ടുണ്ടാവണം.
ReplyDeleteശ്രീ, :-)
നീയെനിയ്ക്കാരാണെന്നതറിയാഞ്ഞെന്നോട്‌ ഞാ-
ReplyDeleteനായിരംവട്ടം ചോദിച്ചുത്തരം ലഭിച്ചീല
പോയജന്മം ഞാന്‍ ചെയ്ത പുണ്യങ്ങളാവാം നിന്നെ
മായികവിസ്മയംപോല്‍ കൂട്ടായി ലഭിച്ചത്‌...
നല്ല വരികള്‍!
ശരിക്കും പ്രണയകവിതകള്‍ വായിക്കണമെങ്കില്‍ ഇവിടെ വരണം.
പ്രിയ വാല്‍മീകി,
ReplyDeleteതാങ്കളെപ്പോലെ ധാരാളം എഴുതുകയും, വായിക്കുകയും ചെയ്യുന്ന ഒരാളില്‍നിന്നും കിട്ടിയ ഈ അഭിപ്രയം ഞാന്‍ ഏറെ വിലമതിയ്ക്കുന്നു. എന്റെ ഹൃദയം നിറഞ്ഞ നന്ദി ദയവായി സ്വീകരിയ്ക്കുക..