ഇരുള്‍

മാര്‍ച്‌..8


നീയെന്നടുത്തില്ല,പിന്നെയിന്നീസന്ധ്യ
ചായങ്ങള്‍തേച്ചു ചിരിപ്പതെന്തേ
ഉണ്ടായിരുന്നെങ്കിലീവര്‍ണ്ണമൊക്കെയു-
മുണ്ടാകുമായിരുന്നാകവിളില്‍

മന്ദമായ്‌ വീശുന്ന കാറ്റ്‌ എന്‍ ചെവിയില്‍ വ-
ന്നെന്താണ്‌ ചൊല്ലാന്‍ ശ്രമിയ്ക്കുന്നത്‌
'എങ്ങുപോയ്‌ നിന്‍ സഖി നിങ്ങള്‍പിണങ്ങിയോ'
എന്നൊക്കെയാവാമിതിന്റെയര്‍ത്ഥം

മെല്ലെ ദിവാകരന്‍പോകെ,ചിരിതൂകി
തെല്ലകലത്തൊരു'സാന്ധ്യതാര'
കൂരിരുള്‍മെല്ലെ കടന്നുവന്നൂ കടല്‍-
തീരമിരുളിലായ്‌, എന്മനസ്സും