വരൂ...

ജനുവരി...20


നിന്‍സ്വരം കേള്‍ക്കുവാനായിരം കാതുമായ്‌
നിര്‍മലേ, കാത്തു ഞാനിങ്ങു നില്‍കെ
മൗനമെന്തേ സഖീ,യെന്നോടു ചൊല്ലുവാന്‍
മോഹങ്ങളൊന്നുമേ ബാക്കിയില്ലേ

മിഴികളാലോമലെന്‍ ഹ്രുദയത്തിലൊരുപാടു
കവിതകള്‍ വിരിയിച്ചതോര്‍മയില്ലേ
ചിരികൊണ്ടു ജന്മാന്തരങ്ങളെയൊക്കെനീ
പുളകച്ചാര്‍ത്തണിയിച്ചതോര്‍മയില്ലേ

ഒരു മുളംതണ്ടിന്റെ ശ്രുതിപോലെ വന്നെന്നില്‍
നിറയൂ; മനസ്സില്‍ നീ മഴവില്ലുപോല്‍
ഒരുമണി വീണതന്‍ മോഹന രാഗമായ്‌
ഒഴുകി വന്നെത്തൂ നീ ഹ്രുദയേശ്വരീ