ചക്രവാകം

ജനുവരി...30

ഇരുളാണു ചുറ്റിലുമതുകൊണ്ടു നീയെന്റെ-
യരികിലുണ്ടെങ്കിലും നിന്മുഖത്തെ
ഒരുനോക്കു കാണുവാനാവാതെ മനസുനൊ-
ന്തൊരുപാടു നേരം കരഞ്ഞുപോയ്‌ ഞാന്‍

അറിയുന്നു;ശോകാര്‍ദ്രമെന്‍ സ്വരമെങ്കിലും
മറുവാക്കു നീയൊന്നും ചൊല്ലിയില്ല
ഒരുവേള മിണ്ടിയാല്‍ പാട്ടു ഞാന്‍ നിര്‍ത്തുമെ-
ന്നറിയാം നിനക്ക തുകൊണ്ടുമാവാം

അയഥാര്‍ത്ഥമായൊരീ വിരഹത്തെ പാട്ടിലൂ-
ടറിയിച്ചിടുന്നോരുകാരണത്താല്‍
ചക്രവാകപ്പക്ഷി ഞാന്‍, പാടുമീരാഗം
ചക്രവാളത്തോളമെത്തിടുന്നൂ