അറിവ്‌

ജനുവരി 19..


നിന്നെ ഞാന്‍ പ്രേമിച്ചതില്‍ പിന്നെയാണറിഞ്ഞത്‌
പൂവിന്റെ സുഗന്ധവും, പൂന്തേനിന്‍ മാധുര്യവും
മഞ്ഞിന്റെ മനോജ്ഞമാം കുളിരും കുയില്‍പാട്ടും
കുഞ്ഞിളം കാറ്റിന്‍ കൈകള്‍ കുസ്രുതി കാട്ടുന്നതും

നിന്നെ ഞാന്‍ മോഹിച്ചതില്‍ പിന്നെയാണറിഞ്ഞത്‌
കണ്ണുകള്‍ തുറന്നിട്ടും കിനാവു കാണാമെന്നും
കേവല ശബ്ദം പോലും സംഗീതമാവാമെന്നും
വെറുതെ സ്വപ്നം കാണാന്‍ പറ്റുമേവര്‍ക്കുമെന്നും

നിന്നെ ഞാന്‍ കാമിച്ചതില്‍ പിന്നെയാണറിഞ്ഞത്‌
കാമുകനാവാന്‍ സ്വല്‍പം യോഗ്യത വേണമെന്നും
ഉള്ളുനോവുമ്പോള്‍പോലും പരിഹാസ്യനാവാമെന്നും
വല്ലതുമൊക്കെ കുത്തി കുറിക്കാനാവുമെന്നും