ശ്രീദേവി

മാര്‍ച്‌..6

മറ്റൊന്നുമെന്റെ മനസ്സിലിപ്പോളില്ല
മറ്റൊരുകാഴ്ച്ചയെന്‍ കണ്ണിലില്ല
അത്രമേല്‍ വശ്യതയുള്ളനിന്‍ മുഖമെനി-
ക്കെത്ര കണ്ടാലും കൊതിതീരില്ല

നീചിരിയ്കെ,വിടരുന്നൂ മുഖാമ്പുജം
സൂര്യകിരണങ്ങളേറ്റപോലെ
ആയതുകൊണ്ടെന്റെയുള്ളിന്റെയുള്ളിലൊ-
രായിരമമ്പുകള്‍ കൊണ്ടപോലെ

കണ്മിഴിച്ചെന്നെനീ നോക്കവേ ഞാനൊരു
മണ്‍തരിയായ്ച്ചുരുങ്ങുന്നപോലെ
ഒന്നുമുരിയാടാനാവാതെ നില്‍പൂ ഞാന്‍
മുന്നില്‍ ശ്രീദേവിവന്നെന്നപോലെ