കൃഷ്ണാ

ഫെബ്രുവരി..12


പീലിത്തിരുമുടിയും പീതാമ്പരവും
കോലക്കുഴല്‍ വിളിയും കൗസ്തുഭവും
ചേലൊത്തചന്ദനക്കുറിയുമണിഞ്ഞൊരെന്‍-
ബാലഗോപാലാ നിന്നെ കണികാണണം

പാടിയ വേണുവിന്‍ നാദം കേള്‍ക്കെ
ഓടിയണഞ്ഞ ഗോപാംഗികളെ
മോടിയില്‍ മാറില്‍ചേര്‍ത്താനന്ദകേളിക-
ളാടിയ കണ്ണാ നിന്നെ കണി കാണണം

പാര്‍ത്ഥനു തേര്‍ തെളിച്ച തേരാളിയായ്‌
പാഞ്ജജന്യം മുഴക്കും വഴികാട്ടിയായ്‌
ശ്രീവല്‍സവും വനമാലയും മാറേറ്റ
ശ്രീധരാ നീയെന്നും തുണയാകണം