Tuesday, May 8, 2007

ധന്യന്‍

ആരോമലേ,നിന്നെയാദ്യമായ്‌ തൊട്ടനാള്‍
ആലോലമെന്‍മനം ശൂന്യമായി
ആറാമതായിട്ടൊരിന്ദ്രിയംവേണമെ-
ന്നാദ്യമായ്‌ തോന്നിയതന്നുതന്നെ

പിന്നെ,കരളിന്നഗാധതയില്‍നിന്നു
പൊങ്ങിവരുന്നകുമിളപോല്‍നീ
എന്നിലുറയവേ ഞാനറിഞ്ഞൂ,സഖീ
നിന്നിലലിയുവതെന്തുഭാഗ്യം!

ഇന്നെന്റെയോര്‍മ കുളിരണിയുന്നു നീ
തന്ന മുഹൂര്‍ത്തങ്ങളാലെ,മുത്തേ
ഒന്നറിഞ്ഞാലും,നീ നല്‍കുന്നൊരീസ്നേഹ
മൊന്നുമാത്രം മതി ധന്യനാവാന്‍

1 comment:

  1. ഒന്നറിഞ്ഞാലും,നീ നല്‍കുന്നൊരീസ്നേഹ
    മൊന്നുമാത്രം മതി ധന്യനാവാന്‍
    nannaayeendu tto

    ReplyDelete