കൈത്തിരി..

ആരണ്യമെത്തവേ മുന്നിലായ്‌കണ്ടു ഞാന്‍‌
‍വേറെയായ്‌പോകുന്ന രണ്ടുവഴികളെ
ഏറെയാലോചിച്ച്നിന്നില്ല കാല്‍വച്ചു
ആരുമധികം നടക്കാത്ത പാതയില്‍‌.

ഉണ്ടായിരുന്നു ഒരുപാടെതിര്‍പ്പുകള്‍‌
‍രണ്ടാംവഴിയാണ്‌ ഞാനെടുത്തെന്നതില്‍‌
‍കുണ്ഠിതംതെല്ലുമില്ലത്തീരുമാനത്തില്‍‌
‍പണ്ടു,മിന്നും; വിധിമാറ്റുവാനാവുമോ?

പൊട്ടുന്ന സ്നേഹ, വിശ്വാസ, ബന്ധങളില്‍-
പ്പെട്ട്, ഞാന്‍ കൊണ്ട്‌നടന്നോരു കൈത്തിരി
കെട്ടുപോയീടാതെ കാക്കേണമീയിരുള്‍-
ക്കൂട്ടത്തിനോട് ഞാന്‍ മല്ലടിയ്ക്കുമ്പൊഴും