Wednesday, April 25, 2007

ഒരുപെണ്‍കുരുവി..

ഈണവുംമൂളിയൊരോമനക്കുരുവിയെന്‍
ജാലകവാതിലില്‍ വന്നിരുന്നു
തൂമഞ്ഞുവീണുനനഞ്ഞചിറകുക
ളോമനച്ചുണ്ടിനാല്‍ചിക്കിനീര്‍ത്തി

തെല്ലുചെരിച്ചുതലപിടിച്ചു,കണ്ണാല്‍
മെല്ലെത്തിരഞ്ഞെന്‍മുറിയിലാകെ
പിന്നെപ്പറന്നതു ഒട്ടുംകറങ്ങാത്ത
പങ്കച്ചിറകിന്മേല്‍ചെന്നിരുന്നു

കട്ടിലില്‍തന്നെകിടന്നാക്കിളിയെ ഞാ-
നൊട്ടൊരുകൗതുകത്തോടെനോക്കി
കണ്ണാടിനോക്കിചിറകടിച്ചപ്പൊഴേ
പെണ്ണാണിവളെന്നു ഞാന്‍നിനയ്ച്ചു

പിന്നെപ്പൊടുന്നനെവന്നവഴിയ്ക്കവള്‍
എന്നെനോക്കാതേപറന്നുപോയീ
കട്ടിലും;മീതെ,കറങ്ങാത്തപങ്കയും;
ഒറ്റയ്ക്കായ്‌ വീണ്ടും, ഞാന്‍ എന്‍മുറിയില്‍!

1 comment:

  1. kollam..oru kunju karyam bhangiyayi paranjirikkunnu...

    ReplyDelete