Saturday, August 11, 2007

അപേക്ഷ


നവനീതമൃദുമേനി മെല്ലെത്തഴുകി നിന്‍
പവിഴാധരങ്ങളില്‍ ഉമ്മവയ്ക്കാന്‍
നവരാത്രിദീപങ്ങളകലെത്തെളിയവേ-
യിവിടെയിരിപ്പൂ വിവശനായ്‌ ഞാന്‍

ചിറകൊടിഞ്ഞാശാശലഭങ്ങള്‍ വീഴുന്നൂ
മുറിവേറ്റുകരയുന്നരിപ്രാവുകള്‍
കരിയുന്നൂ; കടലാസുപൂവുകള്‍പോലുമി-
ങ്ങിരുള്‍വരവായ്‌ ചുരുള്‍മുടിയഴിച്ച്‌

കരയുമെന്‍നേര്‍ക്ക്‌ നിന്‍ സ്നേഹാര്‍ദ്രനയനങ്ങള്‍
ഒരുകുറിപോലുമുയര്‍ത്തുകില്ലേ..
അറിയില്ല; നിന്‍നാമമെത്ര ഞാനുരുവിട്ടു
ഒരുവട്ടം പോലും നീ കേള്‍ക്കുകില്ലേ..

6 comments:

  1. ഹേ കവേ നിന്നോടുചേര്‍ക്കുമീ
    പ്രണയ‘ഗോപുര‘ങ്ങളെത്ര കാമ്യം!

    :)

    ReplyDelete
  2. lalitham manoharam


    (gulf videos)
    visit my blog

    http://shanalpyblogspotcom.blogspot.com

    ReplyDelete
  3. ഈമെയില്‍ പോലെയാണെത്തുന്നതെന്നുള്ളി-
    ലീവാക്കുകള്‍, അയയ്ക്കുന്നതരോ.
    ഈരണ്ടു നാളുകള്‍ കൂടുന്നതിന്മുമ്പി-
    ലീരാറു വരികള്‍ കടന്നുകൂടും
    ആരെങ്കിലുംകണ്ട്‌, വായിച്ച വര്‍ക്കിഷ്ട-
    മായെങ്കിലെത്ര കൃതാര്‍ത്ഥനീ ഞാന്‍!
    സാല്‍ജോവിനൊട്‌,ഷാനോടും ഞാനോതട്ടെ
    സാനന്ദം നന്ദിയും സ്നേഹവായ്പും

    ReplyDelete
  4. അന്ന് ഞാന്‍ പറഞ്ഞല്ലോ ലളിതമായ ഇത്തരം വരികള്‍ എനിക്കിഷ്ടമാണു. ഇതിനു കമന്റെഴുതാന്‍ എനിക്കാവില്ല. ഞാന്‍ വായിച്ചുകൊണ്ടേയിരിക്കാം.

    ReplyDelete
  5. നീണ്ട ഒരു ചാറ്റു കഴിഞ്ഞപ്പോള്‍ മനസ്സിന്‌
    എന്തൊരു ലാഖവം.
    നന്ദിയുണ്ട്‌, അശോക്‌; വളരെ, വളരെ

    ReplyDelete
  6. lakhavathinte spelling thettippoyi.
    druthiyil adichappol sradhichilla. maappu...

    ReplyDelete