Wednesday, August 22, 2007

ഏകതാരം


ഏകാന്തതയില്‍ ഞാനിങ്ങിരിയ്ക്കുമ്പോഴൊ-
രേകതാരം പടിഞ്ഞാറുദിച്ചു
മൂകവിഷാദഭാവങ്ങളാലെന്‍മന-
സ്സാകെ വിതുമ്പി ത്തുളുമ്പി നിന്നു

ഒന്ന് കരഞ്ഞെങ്കിലാശ്വാസമായീടു-
മെന്ന് മനസ്സ്‌ സ്വകാര്യമോതി
മുന്നിലെത്താരക കണ്ടെങ്കില്‍ മോശമാ-
ണെന്ന് കരുതിത്തടഞ്ഞു കണ്ണീര്‍

കാരണമില്ലാത്ത ദു:ഖങ്ങളും പേറി-
യേറെ നടന്ന് വലഞ്ഞവന്‍ ഞാന്‍
താരകയോടത്‌ ചൊല്ലിയാല്‍ വേദന
തീരുമോ? സാന്ത്വനമേകീടുമോ?


2 comments:

  1. ഒന്ന് കരഞ്ഞെങ്കിലാശ്വാസമായീടു-
    മെന്ന് മനസ്സ്‌ സ്വകാര്യമോതി
    മുന്നിലെത്താരക കണ്ടെങ്കില്‍ മോശമാ-
    ണെന്ന് കരുതിത്തടഞ്ഞു കണ്ണീര്‍

    go on.....

    ReplyDelete