Friday, March 7, 2008

രാവലിയുന്നൂ


പേരറിയാത്തൊരു ഗാനത്തിന്നീരടി
ചരത്തെവിടെയോനിന്നുയരെ;
ഏറെപ്പരിചിതമാരാഗവും നിന്റെ
ഈറന്‍കവിളുമോര്‍മ്മിയ്ക്കുന്നു ഞാന്‍

പിന്നെ, നിദ്രാഹീനയാമങ്ങള്‍ നീളവേ
നിന്നെ കിനാവുകാണാന്‍കൊതിച്ച്‌
ഒന്നിങ്ങുവന്നിരുന്നെങ്കിലെന്നാശിച്ച്‌
എന്നോമലേ, ഞാന്‍ കരഞ്ഞിരുന്നൂ

താമരമൊട്ടുകള്‍ കൂമ്പിനില്‍ക്കുന്നൊരാ
പൂമേനിയെന്നോട്‌ ചേര്‍ത്ത്‌വച്ച്‌
ആമോദമോടെ ഞാനെന്നെമറക്കുന്ന
രോമഹര്‍ഷങ്ങളില്‍ രാവലിയും..


1 comment:

  1. പ്രണയം തുളുമ്പുന്ന വരികള്‍.

    ReplyDelete