Friday, July 11, 2008

എതിരേല്‍പ്പ്‌


വീണക്കമ്പിമുറുക്കീ ഞാനെന്‍
പ്രാണനില്‍ തിങ്ങിനിറഞ്ഞൊഴുകീടുമൊ-
രീണത്തില്‍ ശ്രുതി മീട്ടിപ്പാടീ
ഗാന, മൊരാളിന്‌മാത്രം കേള്‍ക്കാന്‍

ഏതോ പേരറിയാത്തൊരു കാനന-
വീഥിയിലേകാന്തതയിലലഞ്ഞിടു-
മേതോപഥികന്‍ ചെവിയോര്‍ക്കേയാ
ചേതോഹരമാം ഗാനം കേട്ടു.

ചന്ദനമദഭരഗന്ധമുണര്‍ന്നൂ
ചന്ദ്രിക നേര്‍ത്തൊരു പൂംതുകില്‍ തീര്‍ത്തൂ
ഗന്ധര്‍വന്‍മാര്‍ രാഗം മൂളീ
മന്ദസമീരനുമൊഴുകിയണഞ്ഞൂ.

കാനനദേവതമാര്‍ വഴികാട്ടീ
വാനവര്‍കൂടെയകമ്പടിയായീ
ഗാനവിലോലുപനെത്താറായീ
ഞാനവനെയെതിരേല്‍ക്കാന്‍ നില്‍പൂ..

2 comments:

  1. i understood not much and still that there r eyes only two to see that thee is a spring that flows only for her.
    mr gopurathinkal ive always wanted to be unique and so is my goorookoolam.

    ReplyDelete