Thursday, September 11, 2008

പ്രിയപ്പെട്ട എന്റെ മോളൂ,

വന്നിട്ട്‌ മൂന്നാലുമാസമായെങ്കിലും
ഒന്നിനോടും നല്ലപോലെ പൊരുത്തമായ്‌-
ത്തീര്‍ന്നില്ല; ആകെ മടുപ്പ്‌തോന്നുന്നെന്റെ
പൊന്നേ, കരയരുതെന്നെയോര്‍ത്തിന്ന് നീ

ഓരോദിവസവും, ഓരോനിമിഷവും
ഓരോനിശ്വാസത്തിലും നിന്റെയോര്‍മ്മകള്‍..
പോരാഞ്ഞ്‌, നീയെന്നെ കെട്ടിപ്പിടിച്ചന്ന്
പോരാനിറങ്ങവേ കാതില്‍മൊഴിഞ്ഞതും..

എന്നാണ്‌ ഞാന്‍ തിരിച്ചെത്തിയെന്‍കൈകളാല്‍
പൊന്നിന്‍കുടത്തെയെന്‍മാറോട്ചേര്‍ത്തിട്ടാ-
കണ്ണില്‍നോക്കി,ചുണ്ടിലുമ്മവെയ്ക്കാന്‍ മോഹ-
മെന്നിലിരുന്ന് തുടിയ്ക്കയാണെപ്പൊഴും

2 comments:

  1. പ്രവാസിയുടെ വിരഹത്തിന്‍റെ തീഷ്ണത കാണാം ഇതില്‍....

    ഓണാശംസകള്‍..

    ReplyDelete
  2. is shahar mein tum jaise deewane hazaroon hain?shayad nahin sirf ek hai

    ReplyDelete