Friday, March 6, 2009

അനുരാഗം

അനുരാഗമോ?,എനിയ്ക്കറിയില്ലിതെന്നുള്ളി-
ലുണരന്നു മണിവേണുമൃദുരാഗമായ്‌
അനുമാത്രകേള്‍പ്പൂ ഞാന്‍ ആരോവിളിച്ചപോല്‍
മനതാരില്‍നിന്‍നാമമൊന്നുമാത്രം.

ഒരുവിളിപ്പാടിന്നുമകലെവെച്ചേ ദീപ-
മെരിയുമാമിഴികളെനിയ്ക്കുകാണാം
അരികിലെങ്ങാനുമാണെങ്കില്‍ പെരുമ്പറ
കരളില്‍മുഴങ്ങാന്‍തുടങ്ങുകയായ്‌

പലവട്ടമുരുവിട്ടുറപ്പിച്ചവാക്കുകള്‍
ജലധാരപോലുള്ളിലുയരുമെന്നാല്‍,
സ്ഥലകാലവിഭ്രമത്താല്‍, അവളെത്തിയാല്‍
പലവഴിതിരിയും, വരില്ലനാവില്‍.

ഒരുവട്ടമെങ്കിലുംകണ്ടില്ലയെങ്കില-
ന്നുരുകിത്തിളയ്ക്കുമെന്നന്തരംഗം,
ഒരുനോക്‌ക്‍കാണുവാന്‍മാത്രംകൊതിച്ചിടും.
അറിയില്ലിതനുരാഗമായിരിയ്ക്കാം

5 comments:

  1. മനോഹരമായിരിക്കുന്നു
    ആശംസകള്‍

    ReplyDelete
  2. അത് ആദ്യമായത് കൊണ്ടാ പതുക്കെ പതുക്കെ മാറിക്കോളും...

    നന്നായിട്ടോ..

    ReplyDelete
  3. അനുരാഗമോ?,എനിയ്ക്കറിയില്ലിതെന്നുള്ളി-
    ലുണരന്നു മണിവേണുമൃദുരാഗമായ്‌
    അനുമാത്രകേള്‍പ്പൂ ഞാന്‍ ആരോവിളിച്ചപോല്‍
    മനതാരില്‍നിന്‍നാമമൊന്നുമാത്രം..നന്നായിരിക്കുന്നു.

    ReplyDelete
  4. ഒരുവട്ടമെങ്കിലുംകണ്ടില്ലയെങ്കില-
    ന്നുരുകിത്തിളയ്ക്കുമെന്നന്തരംഗം,
    ഒരുനോക്‌ക്‍കാണുവാന്‍മാത്രംകൊതിച്ചിടും.
    അറിയില്ലിതനുരാഗമായിരിയ്ക്കാം

    വളരെ നന്നായിട്ടുണ്ട്...*

    ReplyDelete
  5. വീട് പെയിന്റ് ചെയ്യല്‍, ചില റിപ്പയറിങ്ങ് പണി എന്നിവമൂലം വീട് ആകെ അലങ്കോലപ്പെട്ടുകിടക്കുകയായിരുന്നു. അതുകൊണ്ട് ഇവീടെവരാനൊത്തില്ല. ദയവായി ക്ഷമിയ്ക്കുക. ഇനി, ഇവിടെ തുടര്‍ന്ന് വരാം.

    പാവപ്പെട്ടവനും, നജീമിനും, ശ്രീ‍ഇടമണ്ണിനും, കെകെ‌എസ്സിനും നന്ദി..

    ReplyDelete