Saturday, July 21, 2007

തിരികെ..

അയഥാര്‍ത്ഥമായോരു പ്രണയത്തിനവസാന-
മലയവേ,മുറിവേറ്റ ഹൃദയവുമായ്‌
അറിയാത്ത വീഥികള്‍,തീരങ്ങള്‍, താണ്ടി ഞാന്‍
ഇരുകാലില്‍ പായും മൃഗങ്ങളേയും
ഇനിമതി, തിരികെയെന്‍ കൂട്ടിലേയ്ക്കെത്തണം
തനിയെ, തിരിച്ചു നടക്കതന്നെ
ഒരുതണല്‍, എഴുതുവാന്‍ തൂലിക, കൂട്ടിനായ്‌
ഒരുവേണു,വിത്രയും മതിയെനിക്ക്‌
മിഴികളാല്‍, പിരിയുമ്പോള്‍ നീയെന്റെ ഹൃദയത്തി-
ലെഴുതിയ ശോകാര്‍ദ്ര വരികളുണ്ട്‌
ചെറുകാറ്റിലുലയുന്നുണ്ടെങ്കിലും വഴികാട്ടാ-
നൊരുദീപനാളമങ്ങകലെയുണ്ട്‌

1 comment: