സീനാ.

-------

ദൂരെയെങ്ങോനിന്നുയരുന്ന
സാരംഗിയുടെ തേങ്ങല്‍‌ പോലെ
കാണാമറയത്ത്നിന്നും
പൊടുന്നനെ
നിന്‍‌വിളി കേള്‍ക്കാനായെങ്കിലെന്നോര്‍ത്ത്​‌
ഞാനെന്റെ മനസ്സിന്റെ
ജാലകങ്ങള്‍ ചാരിയതേയില്ല...
പാതിയുറക്കത്തില്‍ കണ്ട
കിന്നരിചാര്‍ത്തിയ ഒരു കിനാവിലെന്നപോലെ
നീയടുത്തെത്തിയാല്‍
കാണാനായെങ്കിലെന്നോര്‍ത്ത്‌
ഞാനെന്റെ കണ്ണിന്റെ
വാതായനങ്ങള്‍ അടച്ചതുമില്ല...
നീയറിയുന്നുവോ ?
തിരകളാടിത്തിമിര്‍‌ത്ത കടല്‍‌പോലെ
അശാന്തമായ മനസ്സിന്റെ ഇരുളറകളില്‍
ഇന്നും,
ഇരുട്ടും, നിശബ്ദതയും മാത്രം !