Saturday, June 13, 2009

സ്വപ്നങ്ങള്‍ ധൂര്‍ത്തടിച്ചവന്‍

ആരിരംരാവില്‍ നീയെന്റെസ്വപ്നങ്ങളില്‍
നായികയായ്‌വന്ന്, ചെംതളിര്‍ച്ചുണ്ടിനാല്‍
മായികവിഭ്രമം നല്‍കിയത്‌ എന്തി-
നായിരുന്നൂ, എന്റെ ദേവീമനോഹരീ..

കോരിത്തരിപ്പിന്റെയാനിമിഷങ്ങളില്‍
വാരിപ്പുണര്‍ന്ന് ഞാന്‍ നിന്നിലലിയവേ
മാറിലെപ്പൈങ്കിളി മെല്ലെ പുറത്തേയ്ക്ക്‌
പാറിപ്പറക്കാന്‍ കൊതിച്ചതറിഞ്ഞു ഞാന്‍

ഞാനെന്റെസ്വപ്നങ്ങള്‍ ധൂര്‍ത്തടിച്ചിപ്പൊഴീ
കാനനമദ്ധ്യത്തിലൂടെയലയവേ
കാണുന്നു ഞാന്‍, മുന്നിലീ നീണ്ടപാതയില്‍
വേനലില്‍ വെന്ത മരങ്ങള്‍, നിഴലുകള്‍..

2 comments:

  1. കൊള്ളാം നല്ല കവിത

    ReplyDelete
  2. venalinde vendha marangal ariyaathe
    veeshunna chudu kaatilumille oru sukham?

    ReplyDelete