Friday, June 19, 2009

എന്‍‌യേശുനാഥനേ..

നാഥാ, എന്‍‌പാപങ്ങളൊക്കെപ്പൊറുക്കണേ
വീഥിയിലുള്ളൊരീ മുള്ളുകള്‍ മാറ്റണേ
വേദനയെല്ലാമൊഴിവാക്കിയെന്നുമെന്
‍ചേതനയില്‍‌ നിന്റെനാമം നിറയ്ക്കണേ..

(നാഥാ, എന്‍‌പാപങ്ങള്‍..)

ചോരചിന്തി, ക്കാല്‍‌വരിയില്‍‌ക്കുരിശിലെ

കാരിരുമ്പാണിയില്‍ നീ കിടന്നപ്പൊഴും
ദൂരേയിരിയ്ക്കുന്ന താതനോടോതി നീ
കാരുണ്യമോടെ, യവര്‍‌ക്കു‍മാപ്പേകുവാന്‍..

(നാഥാ, എന്‍‌പാപങ്ങള്‍..)

ഇന്ന്‌ഞാനാശ്രയം തേടിയെത്തി, നിന്റെ

മുന്നില്‍‌നമിപ്പൂ; എന്‍‌പ്രാര്‍ത്ഥനകേള്‍ക്കണേ
എന്നില്‍‌നിറയണേ സ്നേഹമായ്, എന്‍‌കൂടെ
എന്നുമുണ്ടാകണേ, എന്‍‌യേശുനാഥനേ....

(നാഥാ, എന്‍‌പാപങ്ങള്‍..)‍

No comments:

Post a Comment