Sunday, June 28, 2009

പകരം തരാന്‍..

കണികാണുവാന്‍കൊതിച്ചെത്ര ഞാന്‍ നിന്‍മിഴി-
യിണകളെയ്യുന്ന കൂരമ്പുകളെ
മണിവില്ലുപോലുള്ളപുരികംകുലച്ച്‌ ഞാ-
നണയുന്നതുംകാത്തിരുന്നപ്പൊഴും..

ഒരുഗൂഢമന്ദസ്മിതം ചുണ്ടിലെപ്പൊഴും
കരുതിനീ, എന്നെ വിവശനാക്കാന്‍
അരികെ, കൊതിയോടണഞ്ഞപ്പൊഴൊക്കെ നീ
ഒരുവാക്കുമെന്നോട്‌ മിണ്ടിയില്ല..

അകതാരില്‍ ഞാനെന്നുമോമനിച്ചീടുമാ
മുഖദര്‍ശനത്തിന്നനുവദിച്ച്‌
സഖി, നീപകര്‍ന്നൊരാ അനുരാഗവായ്പിന്ന്
പകരംതരാനൊന്നുമെന്നിലില്ല...

1 comment: