Thursday, November 15, 2007

ബട്ടര്‍ഫ്ലൈ

"നെക്സ്റ്റ്ഡേചെല്ലുമ്പോള്‍, ഒരു ബട്ടര്‍ഫ്ലൈയ്യുടെ
പിക്ച്ചര്‍ ക്ലാസ്സില്‍ കൊണ്ടു പോണം
നെറ്റില്‍നിന്നിപ്പോഴേ ഡൗണ്‍ലോഡ്‌ ചെയ്തൊരു
പ്രിന്റെനിക്കിപ്പത്തരേണം"

വന്നുകേറി,ക്കാല്‍,മുഖവും കഴുകിയി-
ട്ടൊന്നിരുന്നേയുള്ളുടനേ
പൊന്നുവ(ന്നെല്‍ക്കേജിക്കാരിാ‍മടിയേറി-
യൊന്നു ചിരിച്ചുകൊണ്ടോതി

"അമ്മയോടെങ്ങാന്‍ പറയൂ മോളൂ" "ഇല്ലീ-
യമ്മയ്ക്ക്‌ നെറ്ററിയില്ല
ഇപ്പൊഴേവേണം, ചപ്പാത്തി തിന്നാല്‍ ഡാഡി-
യപ്പൊഴേ പൊയിക്കിടക്കും"

ഗൂഗിളില്‍, സെര്‍ച്ചിന്‍ സഹായമോടെ യെന്റെ-
മോളുടെ യാഗ്രഹം തീര്‍ത്തു
പ്രിന്ററില്‍നിന്നൂര്‍ന്ന്‌ വീണ ബട്ടര്‍ഫ്ലൈയ്കൊ-
രുമ്മ കൊടുത്ത്‌, പോയ്‌ പൊന്നു

ചിത്രത്തിലെങ്കിലും പൂമ്പാറ്റയൊന്നിനെ-
യെത്രനാളായി കണ്ടിട്ട്‌?
എന്തൊക്കെയാണ്‌ നേടുന്നത്‌ ഞാന്‍, എനി-
യ്കെന്തൊക്കെ നഷ്ടമാവുന്നൂ?

1 comment:

  1. ബ്ലോഗിലിപ്പൊ പൂമ്പാറ്റപ്പനിയാ, വേഗം പോയാല്‍ കയ്യോടെ കിട്ടും
    :)

    ReplyDelete