Sunday, March 11, 2007

ഓര്‍മകള്‍

ജനുവരി 17


ഓര്‍മകള്‍ കായല്‍ തിരകളെപ്പൊലെയാ
ണോമനെ, നീയതറിയുന്നുവോ
എത്ര അനായാസമായവയെത്തുന്നു
പൊട്ടിച്ചിതറുന്നു; വീണ്ടുമെത്താന്‍

നിന്റെ കവിള്‍തുടുപ്പാണോ ത്രിസന്ധ്യകള്‍
നിന്‍ മുഖം മറ്റൊരു വെണ്ണിലാവോ
മന്ദമായ്‌ വീശുന്ന കാറ്റോ, നിന്‍ നിശ്വാസ
മെന്നിലുണര്‍ത്തിയോരുള്‍ക്കുളിരോ

താരങ്ങളില്ലാത്തരാത്രി നിന്‍ കൂന്തലോ
രാവെളിച്ചം നിന്റെ പുഞ്ചിരിയോ
രാക്കിളിപ്പാട്ടുകള്‍ എന്റെചെവിയില്‍ നീ
മൂളിയ ശോകാര്‍ദ്ര രാഗങ്ങളോ

1 comment: