Wednesday, March 14, 2007

പോലെ...

12/02 ന്‌ തന്നെ

എന്മുന്നിലിന്നു നീ ഇല്ലെങ്കിലും എന്റെ
കണ്മുന്നില്‍ നിന്‍ രൂപം മാത്രം
നിന്‍ശ്വാസ നിശ്വാസ താളക്രമങ്ങളെ-
ന്നുള്ളില്‍ പതിയ്ക്കുന്ന പോലെ.
പുഞ്ചിരിതൂവുന്ന നിന്‍ അധരങ്ങളെന്‍
നെഞ്ചിലമരുന്ന പോലെ
എങ്ങുനിന്നോ നിന്റെ നീള്‍മിഴി യാര്‍ദ്രമായ്‌
എന്നെ തിരയുന്ന പോലെ
നിന്മൊഴി കേട്ടതായ്‌ തോന്നി ഞാന്‍ കേള്‍ക്കാന്‍ നീ

എന്തോ പറഞ്ഞതു പോലെ
മാഞ്ഞു നീ യോമലേ പൊയ്പോയതെങ്ങോട്ട്‌
മാനത്തെ മഴവില്ലു പോലെ...

No comments:

Post a Comment