Monday, March 12, 2007

ഒരുങ്ങിയാണല്ലോ...

ജനുവരി...27

ഒരുങ്ങിയാണല്ലോ നീ വന്നതിന്നലെ മുത്തേ
നിലാവില്‍ വിരിയുന്ന നെയ്തലാമ്പലെപോലെ
ഒരുങ്ങിയാണല്ലോ നീ വന്നതിന്നലെ നിന്റെ
മനസ്സാം കുസ്രുതിയെ പട്ടുടുപ്പിച്ചും കൊണ്ട്‌
ഒരുങ്ങിയാണല്ലോ നീ വന്നതിന്നലെ കണ്ണില്‍
ചിരിതന്‍ പൂത്തിരികള്‍ കത്തിച്ചു വീശിക്കൊണ്ട്‌
ഒരുങ്ങിയാണല്ലോ നീ വന്നത്‌ കാണുന്നോര്‍ക്ക്‌
ഒരുനെയ്തിരിനാളം തെളിഞ്ഞതായി തോന്നി
ഒരുങ്ങിയാണല്ലോ നീ വന്നതിന്നലെയെന്റെ
കിനാക്കള്‍ കസവിന്റെ ചാമരം നിന്നെ വീശി
ഒരുങ്ങിയാണല്ലോ നീ ഇന്നലെ വന്നതെന്റെ
മനസ്സില്‍ മൊഹങ്ങള്‍തന്‍ തിരകളിളക്കാനായ്‌

No comments:

Post a Comment