Sunday, March 11, 2007

ശ്രീരാഗം

ജനുവരി...23


നിന്‍ വിരല്‍ തൊട്ടപ്പൊളോമനേ എന്നുള്ളില്‍
സ്വര്‍ണ മന്ദാരങ്ങള്‍ പൂത്തു
ഒന്നുമുരിയാടാനാവാതെ ഞാന്‍ നിന്നൂ
നിര്‍വ്രുതിയാലെന്നപോലെ

കണ്‍കളാല്‍ വൈഡൂര്യ ശോഭ ചൊരിഞ്ഞുകൊ
ണ്ടെന്നരികത്തു നീ നില്‍കേ
ഏതോ ഒരജ്ഞാത ഗാനത്തിന്‍ ഈരടി
എന്നുള്ളില്‍ മെല്ലെയുണര്‍ന്നു

മായികമായൊരു പുഞ്ചിരി കൊണ്ടു നീ
സ്നേഹപ്രഭ ചൊരിയുമ്പോള്‍
ഞാനറിഞ്ഞൂ സഖീ നീയാണെന്‍ ജീവിത
ശ്രീരാഗവും പൊന്നുഷസ്സും!

No comments:

Post a Comment