Sunday, March 18, 2007

മേലനങ്ങാതെ

മാര്‍ച്‌..5

മസ്റ്ററിലല്ലാതെ പേനയാല്‍ വേറെങ്ങു-
മൊറ്റക്ഷരംവരച്ചില്ലിന്നു ഞാന്‍
എന്നാലുമെന്‍പേരിലെണ്ണൂറുരൂപയാ-
ണിന്നെഴുതുന്നതെന്‍ തമ്പുരാനെ
കമ്പ്യൂട്ടറോണാക്കിവെച്ചൂ ഞാന്‍ മേശേടെ-
മുമ്പിലാരെങ്കിലും വന്നെങ്കിലോ
ഇങ്ങനെ മേലനങ്ങാതെ ഭുജിയ്ക്കുവാ-
നെങ്ങിനെ വന്നുചേര്‍ന്നീ സൗഭാഗ്യം?
പോയജന്മത്തിലെങ്ങാനും നിരന്തര-
മായി പ്രാര്‍ത്ഥിച്ചതുമൂലമാകം
അന്നൊരടിയാളനായിരുന്നോ ജന്മി
തന്നോ തൊഴിയും, ചവിട്ടും,കുത്തും?
പട്ടിണിമാറ്റാന്‍ അവശതതീര്‍ക്കുവാന്‍
എട്ടണപോലും ലഭിച്ചതില്ലെ?
മുട്ടിപ്പായ്‌ നിന്നോടു പ്രാര്‍ത്തിച്ചതുമൂലം
കിട്ടിയതാവാമെനിക്കീ ജന്മം
അല്ലാതെമറ്റൊരു കാരണംകാണുവാ-
നില്ല; ഞാന്‍ നിന്‍ കഴല്‍ കുമ്പിടുന്നേന്‍

No comments:

Post a Comment