Thursday, March 15, 2007

ഈ എഴുതുന്നതൊക്കെ സത്യം

ഫെബ്രുവരി..14

വൃത്തമോ,പ്രാസമോ,കാവ്യാലങ്കാരമോ
ശക്തിയോ ഭംഗിയോ ഇല്ലാപ്പദങ്ങളേ-
യെത്തൂ എപ്പൊഴുമെന്‍ തൂലികത്തുമ്പില്‍ ഞാ-
നെത്ര ശ്രമിച്ചാലു മെങ്കിലു മെഴുതി ഞാന്‍

നിന്നോടു മാത്രമായ്‌ ഉള്ളിലുദിച്ചോരീ
വര്‍ണ്ണനാതീതമാം തീവ്രാനുരാഗത്തെ;
എന്നോ മനസ്സിന്റെ പൂവള്ളിയില്‍ പൂത്തു-
നിന്നോരിളം ശംഖുപുഷ്പങ്ങളെ നോക്കി

എന്നെ പരിഹസി,ച്ചെന്നെകളിയാക്കി,
നിന്നു നീ എന്മുന്നില്‍ പൂക്കണിക്കൊന്നപോല്‍
നിന്‍ കണ്മുനകളേറ്റെന്‍ നെഞ്ചകം നൊന്തൂ
നിന്‍ കളിവാക്കെന്‍ മനസ്സു നീറ്റീ

എങ്കിലുമോമനേനിന്നെ സ്നേഹിപ്പു ഞാന്‍
എന്ന സത്യം നീയറിഞ്ഞുവെങ്കില്‍!
ഒന്നുമെനിയ്ക്കു വേണ്ടെന്മുത്തെ നിന്നുള്ളില്‍
എന്നെക്കുറിച്ചുള്ളൊരോര്‍മ മാത്രം മതി

No comments:

Post a Comment