Monday, March 12, 2007

ചക്രവാകം

ജനുവരി...30

ഇരുളാണു ചുറ്റിലുമതുകൊണ്ടു നീയെന്റെ-
യരികിലുണ്ടെങ്കിലും നിന്മുഖത്തെ
ഒരുനോക്കു കാണുവാനാവാതെ മനസുനൊ-
ന്തൊരുപാടു നേരം കരഞ്ഞുപോയ്‌ ഞാന്‍

അറിയുന്നു;ശോകാര്‍ദ്രമെന്‍ സ്വരമെങ്കിലും
മറുവാക്കു നീയൊന്നും ചൊല്ലിയില്ല
ഒരുവേള മിണ്ടിയാല്‍ പാട്ടു ഞാന്‍ നിര്‍ത്തുമെ-
ന്നറിയാം നിനക്ക തുകൊണ്ടുമാവാം


അയഥാര്‍ത്ഥമായൊരീ വിരഹത്തെ പാട്ടിലൂ-
ടറിയിച്ചിടുന്നോരുകാരണത്താല്‍
ചക്രവാകപ്പക്ഷി ഞാന്‍, പാടുമീരാഗം
ചക്രവാളത്തോളമെത്തിടുന്നൂ

4 comments:

  1. hi sir its a real touching....wow great..i dont have words for the first 8 lines...

    ReplyDelete
  2. എനിക്കിഷ്ടപ്പെട്ടു..

    എന്തോരും കവിതകളാ...
    ഇതെല്ലാം വായിച്ചിട്ടു ഇനി അടുത്ത കമന്റ്‌

    qw_er_ty

    ReplyDelete
  3. കുട്ടന്‍ അങ്കിള്‍... സമ്മതിച്ചിരിക്കുന്നു! ശരിക്കും എനിക്കിഷ്ടപ്പെട്ടു :-)
    കഴിവു തന്നെ... keep it up.

    ReplyDelete
  4. പ്രേമപങ്കിലമായ കവിതകള്........ നൈരശ്യം ഉണ്ടോ....

    ReplyDelete